ხათუნა ივანიძე: პროექტი: ,,აბო - ქართველთა წმინდანი"

აბო - ქართველთა წმინდანი

პროექტის მთავარი იდეა: ითვალისწინებს ინფორმაციის მოპოვებას ქართველი წმინდანის ღვაწლის შესახებ

პროექტის აქტუალობა: ღრმად და საფუძვლიანად გაეცნობიან ნაწარმოების ისტორიულ კონტექსტს, აბოს სარწმუნოებრივ თავშეწირვას, ტექსტში გადმოცემულ ამბავს დააკავშირებენ თანამედროვეობასთან.

პროექტის მიზნები: მოსწავლეებს გამოუმუშავოს ისტის დახმარებით მონაცემთა შეგროვებისა და პრეზენტაციის შექმნის, შემოქმედებითი და თანამშრომლობითი უნარი.

გაითვალისწინონ ერთმანეთის აზრი, შეაჯერონ მოპოვებული ინფორმაცია ისე, რომ კვლევის საბოლოო პროდუქტი სრულყოფილი გამოვიდეს.

მონაწილეთა ასაკი: 15-16 წლის

ვადები /ხანგრძლივობა: 3 - კვირა

მოსალოდნელი შედეგები/ პროდუქტები ,რაც შეიძლება შეიქმნას: შეძლონ მასალების მოძიება, დახარისხება- დამუშავება, გამოთქვან საკუთარი აზრი მოძიებულ მასალაზე. შექმნიან ელექტრონულ პრეზენტაციებს მოცემული დავალებებიდან გამომდინარე,

გამოუშვებენ კედლის გაზეთს, იმუშავებენ შემოქმედებითი კუთხით( შექმნიან ჩანახატს ან დაწერენ ლექსს)

პროექტისთვის საჭირო ძირითადი რესურსები: პროექტორი , ინტერნეტი, სახელმძღვანელო;

პროექტის მსვლელობა:
1- აქტივობა: მასწავლებლის მიერ მოსწავლეთათვის იდეის გაცნობა;

2 - აქტივობა: მოსწავლეების მიერ ამ თემასთან დაკავშირებული მათთვის საინტერესო აქტუალური კითხვებისა და პრობლემების ჩამოყალიბება;
3 - აქტივობა: ორგანიზაციული საკითხები

ჯგუფების შექმნა( დავყოფ კლასს 3 ჯგუფად)
ფუნქციების განაწილება
კონკრეტული დავალებების მიცემა

4 - აქტივობა: მუშაობის დაწყება

I - ჯგუფი- ისტორიკოსები : მოიძიებენ ინფორმაციას მე-8 საუკუნის ქართლსა და გეოგრაფიულ გარემოზე ინტერნეტში;

II- ჯგუფი- ფილოლოგები: იმუშავებენ ნაწარმოების ავტორსა და მთავარ პერსონაჟზე, შეადარებენ ორ ტექსტს ,, შუშანიკის წამებასა“ და ,, აბოს წამებას", ისაუბრებენ შუშანიკსა და აბოს მსგავსება - განსხვავებაზე; ( გამოიყენებენ სახელმძღვანელოს)

III- ჯგუფი - შემოქმედებითი: ყურადღებას გაამახვილებენ ბიბლიურ სახე- სიმბოლოებზე, რომელსაც განსაკუთრებული მნიშვნელობა ენიჭება ტექსტში , აბოს მხატვრული სახის გააზრებისთვის ,დაწერენ ლექსს, მოთხრობას ან ჩანახატს;

თითოეული ჯგუფი გააკეთებს პრეზენტაციას powerpoint-ში

საგნებთან/ეროვნულ სასწავლო გეგმასთან კავშირი : ისტორია ,გეოგრაფია

ქართ. X. 1. მოსწავლეს შეუძლია მონაწილეობის მიღება საკლასო და სასკოლო დისკუსიებში.

· მკაფიოდ და გასაგებად აყალიბებს აზრს;

· იყენებს ფაქტებს (მაგ., სტატისტიკურ მონაცემებს) და ციტატებს სხვადასხვა წყაროდან საკუთარი მოსაზრების გასამყარებლად;

· ქართ. X. 3. აუდიტორიის წინაშე მოხსენებით გამოსვლისას მოსწავლეს შეუძლია ზეპირი კომუნიკაციის ეფექტიანობის გასაძლიერებელი ხერხების გამოყენება.

· .გამოხატავს თავის დამოკიდებულებას ინფორმაციისადმი;

· ქართ. X. 9. მოსწავლეს შეუძლია სხვადასხვა ჟანრის მხატვრული ნაწარმოების გაანალიზება

· აკავშირებს მხატვრულ ნაწარმოებს ისტორიულ კონტექსტთან და თანამედროვეობასთან (მსჯელობს იმის შესახებ, თუ როგორ აისახა ისტორიული ვითარება, ეპოქის კულტურული და ლიტერატურული ტრადიციები ამა თუ იმ ნაწარმოებში).